+7 (800) 080 18 90 | 1408
Online Damu
Бизнеске мемлекет тарапынан қолдау көрсету – өңірдің ғана емес, тұтас елдің кәсіпкерлік секторын дамытуда маңызды рөл атқарады. Бұған «Даму» Қорының Қостанай облысы бойынша өңірлік филиалы ұйымдастырған пресс турға қатысқан БАҚ өкілдері көз жеткізді.
Пресс тур аясында « Қостанай облысындағы шағын және орта бизнесті мемлекеттік қолдау бағдарламаларын жүзеге асыру шаралары» тақырыбында баспасөз конференциясы өтіп, онда өңірлік филиал директоры Оразбаева Замира Сейтқалиқызы журналистерге нәтижелерді баяндады.
Бизнесті қолдау және дамыту бағдарламалары іске қосылған кезден бастап облыста:
· кәсіпкерлердің несие сомасы 286,27 млрд теңге болатын 4021 жобасы субсидияланып,
· кәсіпкерлердің 2995 жобасы «Даму» Қорынан 30,8 млрд теңгелік кепілдік алған. Мұндағы жалпы несие сомасы 68,2 млрд теңгені құрайды.
Оның ішінде жыл басынан бері:
· кәсіпкерлердің несие сомасы 18,4 млрд теңге болатын 339 жобасы субсидияланып,
· кәсіпкерлердің 245 жобасы «Даму» Қорынан 12,4 млрд теңгелік кепілдік алған. Мұндағы жалпы несие сомасы 6,7 млрд теңгені құрайды.
Пресс тур аясында БАҚ өкілдері бизнесін дамытуға мемлекеттік бағдарламалар аясында қолдау алған кәсіпорындарға барды. Журналистер «Даму» Қорының бағдарламаларына қатысқан кәсіпкерлердің нақты бизнес-кейстерімен танысып, олардың өз аузынан жеңіл несие алу, несиені субсидиялау арқылы қарыз жүгін жеңілдету, несиеге кепілдік алу секілді құралдарды қалай пайдаланғандарын естіді. Сондай-ақ Қазақстанда бизнесті қолдау мен дамытудағы өзекті мәселелер жайлы біліп, кәсіпорын басшыларынан сұхбат алды.
Анықтама ақпарат:
1. Балалар мен олардың ата-аналарына арналған «Ежата» сұлулық студиясы 2017 жылдың 11 тамызында ашылды. Студия ашу үшін кәсіпкер «Еңбек» мемлекеттік бағдарламасы бойынша «Еуразиялық банктен» жеңіл несие алды. Ашылар кезде Қостанай қаласында балаларға арналған арнайы шаштараздар болған жоқ. Алдымен студияда 1 шебер, алты айдан кейін үшеу жұмыс істеді. 2020 жылы пандемияға қарамастан, Татьяна шаштаразды кеңейту туралы шешім қабылдады. Шаштараз бір бөлмеден 2 есе үлкен жаңа бөлмеге көшті. Тұтынушыларға арнап өз веб-сайтын, жеке қосымшаларын жасады. 2021 жылы сырттан — бизнес-жаттықтырушы маман шақырып, студия жұмысына талдау жүргізді. Нәтижесінде адалдық жүйесі енгізілді, қызметкерлерді оқытты, колл-ортал жүйесі енді, CRM жүйесінің жұмысы жақсарды. 2022 жылдың қаңтарында штат 5 шебер мен екі әкімшіге дейін көбейді.
2022 жылдың көктемінде Татьяна «Ежата» брендімен мереке ұйымдастыратын студия ашу туралы шешім қабылдады. Қала орталығынан қолайлы бөлме тапты. «Еуразиялық банк» АҚ «Ұлттық жобасы» бағдарламасы бойынша «Ежата» балалар кешеніне үй-жай сатып алуға несие берді.
Жоба жетекшісі: Антонинова Татьяна Николаевна.
2. «Ли» ЖК.
Андрей мен Ирина Ли Қостанайда пандемия талаптары күшейіп тұрғанда бизнес ашты. Жас жұбайлар үйлену тойы мен бал айына деп үнемдеген қаражатын homies_wear брендімен балалар киімін өндірісін ашуға жұмсады.
Үш жыл ішінде Андрей мен Ирина үлкен жетістіктерге жетті: олар жаңа кең бөлмеге көшті, жұмыс орын санын 4 есеге арттырды (бүгінде өндірісте 17 адам жұмыс істейді), өз өнімдерімен Wildberries-ке шығарды, сату бөлімін құра бастады, жас мамандарды тарту бойынша жұмыс жүргізді. Мемлекеттік сатып алуларға қатысу үшін СТ-KZ сертификатын алды.
Биыл мамыр айында ерлі-зайыптылар мемлекеттік қолдауды пайдаланып, Банк ЦентрКредиттен «Кәсіпкерлікті дамыту жөніндегі ұлттық жоба бағдарламасы» аясында жеңіл несие алды. Кәсіпкерлер несиеге мата, шығын материалдарын, керек-жарақтарды сатып алды, сондай-ақ жарнамаға инвестиция салды.
Қазір команда балалар киімдерінің көптеген түрін шығарады. Маталар түрік елінен алдырылады. Отбасы материалдың сапасына кепілдік береді, өйткені олардың жеке сынаушылары бар.Жоба жетекшілері: ли Андрей мен Ирина.
3. «Realty KST» ЖШС.
Қостанай қаласы Узкоколейная көшесі, 15 мекенжайында орналасқан өндірістік базада газбетон қабырға блоктарын өндіру зауыты бар. Жобаны «Fortebank» АҚ 500 млн теңгеге қаржыландырды. Өңдеу өнеркәсібі саласында жұмыспен қамтылған шағын және орта кәсіпкерлік субъектілерін қолдау бағдарламасы аясында несие мөлшерлемесі 6% болды.
Берілген қарызды компания өнімділігі жылына 50 000 м3 автоклавты торлы бетон шығаруға арналған технологиялық жабдықты сатып алуға және логистикалық қызметтерге ақы төлеуге игерді. Жобаның технологиялық іске қосылуы 2023 жылғы қаңтарда, өнеркәсіптік пайдалану 2023 жылғы сәуірден бастап өтті.
Шығарылатын өнім: автоклавты ұялы бетоннан жасалған қабырға блоктары. Бұл блоктар азаматтық және өнеркәсіптік құрылыста белсенді қолданылады. Блоктардың ерекшелігі-негізгі құрамды көбіктендіруді және оның аз шығынын пайдалану арқылы кірпішпен немесе құйылған бетонмен салыстырғанда олардың төмен құны.
Компания тіркелген сәттен бастап 2019 жылы 62 жұмыс орны құрылды, 1 тоқсанда 5 926 м3 өнім сатылды.
Жоба жетекшісі: Швецов Дмитрий Геннадьевич.
