Баспасөз орталығы

2015 жылдан бастап «Даму» қоры Қазақстанда жасалған отандық өндірушілер көрмесінің ұйымдастырушысы болып келеді.

Осы уақыт ішінде көрменің ел арасындағы даңқы шығып, қазақстандық компаниялар өз өнімдерін көрсетіп, тәжірибе жинақтап, табыстылар өз тарихымен бөлісетін жаңа кең ауқымды алаңға айналды. Көрме отандық компаниялар арасындағы экономикалық ынтымақтастықты кеңейтуге және жаңа өндіріс технологияларын енгізуге нақты  баспалдақ болды.

Көрме аясында «Бәйтерек» холдингі мен «Даму» қорының бағдарламалары арқылы мемлекеттік қолдау алған шағын және орта бизнестің азық-түлік, құрылыс, жиһаз, киім, мамандандырылған техника мен жабдықтар, сондай-ақ сувенирлік және полиграфиялық өнімдер сияқты салалары өнімдерін ұсынды.